Թվային գովազդային արշավներ

Մրցույթին կարող են ներկայացվել հետևյալ տեսակի արշավները (չսահմանափակվելով այս ցանկով).

• Լավագույն գովազդային արշավները սոցիալական ցանցերում (Facebook, Instagram, TikTok, Twitter և այլն)։
• Ինտերակտիվ գովազդային արշավներ (AR/VR տեխնոլոգիաների կիրառմամբ, քվիզեր, խաղեր և այլ ինտերակտիվ ձևաչափեր)։
• Կոնտենտ մարքեթինգ (լավագույն արշավներ, որոնք հիմնված են կոնտենտի ստեղծման և տարածման վրա՝ բլոգներ, վլոգներ, փոդքասթեր)։
• Email մարքեթինգ (արդյունավետ email արշավներ և տարածումներ)։
• SEO և թիրախային գովազդ (լավագույն արշավներ, որոնք կենտրոնացած են որոնողական համակարգերի օպտիմալացման և վճարովի գովազդի վրա)։
• Ինֆլյուենսեր մարքեթինգ (արշավներ, որոնցում ներգրավված են ինֆլյուենսերները և բլոգերները)։
• Համալիր արշավներ (նախագծեր, որոնք համատեղում են թվային մարքեթինգի մի քանի ալիքներ)։
• Ստեղծարար և նորարարական մոտեցումներ (անսովոր գաղափարներ և ստեղծագործական լուծումներ գովազդում)։
• Լավագույն գովազդային արշավները բջջային սարքերի համար (հատուկ բջջային հարթակների համար մշակված արշավներ)։
• Սոցիալական պատասխանատվություն և կայուն զարգացում (արշավներ, որոնք ուշադրություն են հրավիրում սոցիալական և բնապահպանական խնդիրների վրա)։
• E-commerce և թվային վաճառքներ (հաջողված արշավներ՝ համացանցային խանութների զարգացման և վաճառքների ավելացման համար)։
• Լոկալ մարքեթինգ (արշավներ, որոնք ուղղված են տեղական համայնքներին կամ շուկաներին)։

Գնահատման չափանիշներ

• Ստեղծարարություն և նորարարություն՝
  • Արշավի գաղափարի և կոնցեպցիայի ինքնատիպություն։
  • Ոչ ստանդարտ մոտեցումներ և լուծումներ իրականացման ընթացքում։
  • Նոր տեխնոլոգիաների և ձևաչափերի կիրառություն։
  • Վիզուալ գրավչություն և հիշելիություն։
• Իրականացման որակ՝
  • Տեխնիկական կատարումը և համապատասխանությունը մտահղացմանը։
  • Բովանդակության որակը (տեքստ, գրաֆիկա, վիդեո)։
  • Թվային հարթակների հարմարավետություն և ֆունկցիոնալություն։
  • Հարմարվողականություն տարբեր սարքերին և ալիքներին։
• Արդյունավետություն՝
  • Արշավի նպատակների և խնդիրների իրականացում։
  • Չափելի արդյունքներ (KPI)՝ ընդգրկում, ներգրավվածություն, կոնվերսիա, ROI և այլն։
  • Համապատասխանություն թիրախային լսարանին և նրա կարիքներին։
  • Արշավի ազդեցությունը բրենդի իմիջի և հեղինակության վրա։

Ներկայացման պահանջներ

Մրցույթին մասնակցելու համար անհրաժեշտ է ներկայացնել՝ պատվիրատուի անվանումը, գաղափարի հեղինակին, կատարողին, արշավի անվանումը, տեքստային նկարագրությունը, սքրինշոթեր և տեսանյութեր։ Պարտադիր է տրամադրել լրացուցիչ նյութեր՝ տեսանյութեր կամ սահիկաշարեր, որոնք ամբողջությամբ բացահայտում են արշավի գաղափարը, լսարանը, ստեղծարար լուծումները, ինչպես նաև ստացված արդյունքները։ Հայտում հստակ պետք է նշվեն արշավի նպատակները, թիրախային լսարանը, օգտագործված ալիքներն ու գործիքները, ինչպես նաև արձանագրված արդյունքները։ Ցանկալի է կցել հնարավորինս շատ հաստատող նյութեր՝ սքրինշոթեր, տեսանյութեր, վիճակագրական տվյալներ, արձագանքներ։ Կարևոր է ցույց տալ, թե ինչպես են թվային գործիքներն օգնել հասնել արշավի նպատակներին։