ԶԼՄ կայքեր

Գնահատման չափանիշներ․

Բովանդակություն՝ տրամադրվող տեղեկատվության որակը, համապատասխանությունը և ամբողջականությունը: Թեմաների և ձևաչափերի բազմազանություն (տեքստեր, լուսանկարներ, տեսանյութեր, ինֆոգրաֆիկա):

Դիզայն՝ ինտերֆեյսի վիզուալ գրավչություն, կորպորատիվ ոճին համապատասխանություն (առկայության պարագայում), օգտագործման հարմարավետություն և տարրերի տրամաբանական դասավորություն, գրաֆիկայի և անիմացիայի որակ։

Օգտագործելիություն՝  նավիգացիայի հարմարավետություն, բեռման արագություն, հարմարվողականություն տարբեր սարքերին, տեղեկատվության հասանելիություն տարբեր օգտատերերի խմբերի համար։

Ֆունկցիոնալություն՝ անհրաժեշտ գործառույթների առկայություն (որոնում, ռուբրիկատոր, բաժանորդագրություն, հետադարձ կապ), ինտերակտիվ տարրերի աշխատանք, սոցիալական ցանցերի հետ ինտեգրում։

Գնահատման չափանիշներ

• Գլխավոր էջի և ներքին էջերի սքրինշոթեր։
• Տեքստային նկարագրություն, որը ներառում է տեղեկատվություն թիրախային լսարանի, թեմատիկ ուղղվածության, խմբագրական քաղաքականության, թիմի և կայքում օգտագործվող տեխնոլոգիաների վերաբերյալ։
• Այցելությունների և լսարանի ներգրավվածության վիճակագրություն (օրինակ՝ Google Analytics-ի տվյալներ)։
• Ընթերցողների կամ ոլորտի մասնագետների կարծիքներ (առկայության պարագայում)։
• Սահիկաշար՝ ավելի մանրամասն տեղեկատվությամբ։

Կարևոր է:

• Կայքը պետք է լինի գործող և պարբերաբար թարմացվող։
• Անհրաժեշտ է տրամադրել կայքի վերաբերյալ արդիական և հավաստի տեղեկատվություն։
• Խրախուսվում է ներկայացնել կայքի յուրահատուկ առանձնահատկությունները և մրցակցային առավելությունները։

Այս անվանակարգը կոչված է արժևորելու լավագույն մեդիա ռեսուրսները, որոնք ապահովում են որակյալ և հետաքրքիր բովանդակություն, առանձնանում են օգտագործման հարմարավետությամբ և նպաստում Հայաստանի տեղեկատվական դաշտի զարգացմանը։