Դիմելու վերջնաժամկետ՝ ապրիլի 30: Դիմեք հիմա և խնայեք ձեր դիմումի վճարը:
«Բջջային հավելվածներ» անվանակարգում կարող են ներկայացվել Հայաստանում գործունեություն ծավալող ընկերությունների կամ անհատների կողմից մշակված բջջային հավելվածները։ Հավելվածները պետք է հասանելի լինեն լայն լսարանին ներբեռնման և օգտագործման համար, նախատեսված լինեն Հայաստանի լսարանի համար կամ ներկայացնեն Հայաստանը կամ հայկական բիզնեսը միջազգային լսարանին։ Բացառվում են «Մոբայլ բանկինգ», «Ներդրումային ծառայություններ» և «Համացանցային խանութներ (E-Commerce)» անվանակարգերին վերաբերող հավելվածները, որոնք դիտարկվում են առանձին անվանակարգերում։
Ենթաանվանակարգեր՝
- Կրթություն`կրթական հավելվածներ, առցանց դասընթացներ, լեզվական հավելվածներ, հավելվածներ երեխաների համար։
- Ժամանց՝ խաղեր, վիդեո, երաժշտության և փոդքաստների դիտման համար հավելվածներ, սոցիալական հարթակների համար հավելվածներ։
- Առողջություն և ֆիթնես՝ առողջության, մարզումների, սննդակարգի և մեդիտացիայի հետևման հավելվածներ։
- Ճամփորդություն և տուրիզմ՝ հյուրանոցների, տոմսերի և էքսկուրսիաների ամրագրման հավելվածներ, նավիգացիոն ծրագրեր, ուղեցույց հավելվածներ։
- Բիզնես և արդյունավետություն՝ նախագծերի, խնդիրների և ժամանակի կառավարման հավելվածներ, հաղորդակցության, CRM համակարգի հավելվածներ։
- LifeStyle՝ նորաձևության, գեղեցկության, խոհարարության, ինտերիեր դիզայնի հավելվածներ։
- Ֆինանսներ՝ (բացառությամբ բանկային և ներդրումային հավելվածների)։
- Այլ՝ հավելվածներ, որոնք չեն համապատասխանում վերոնշյալ անվանակարգերից որևէ մեկին։
Գնահատման չափանիշներ
Դիզայն՝ ինտերֆեյսի վիզուալ գրավչություն, կորպորատիվ ոճին համապատասխանություն (առկայության պարագայում), յուրօրինակություն, գրաֆիկայի և անիմացիայի որակ։
Օգտագործելիություն՝ օգտագործման հարմարավետություն, ինտուիտիվ հասկանալի նավիգացիա, բեռնման արագություն, հարմարվողականություն տարբեր սարքերին, տեղեկատվության հասանելիություն։
Ֆունկցիոնալություն՝ մատուցվող գործառույթների ամբողջականություն և բազմազանություն, հայտարարված նպատակներին և խնդիրներին համապատասխանություն, նորարարություն։
Գաղափար՝ գաղափարի յուրօրինակություն և ինքնատիպություն, սոցիալական նշանակություն, զարգացման պոտենցիալ։
Ներկայացման պահանջներ
Մրցույթին մասնակցելու համար անհրաժեշտ է տրամադրել հավելվածի հղումը App Store-ում կամ Google Play-ում, սքրինշոթերը, ծառայության ֆունկցիոնալի և առավելությունների մանրամասն տեքստային նկարագրությունը։ Ողջունելի է նաև թեստային մուտքի տրամադրումը (դեմո լոգին և գաղտնաբառ), որպեսզի ժյուրին կարողանա ինքնուրույն գնահատել բջջային հավելվածի հնարավորությունները։ Բացի այդ, ցանկալի է ներկայացնել սահիկաշար, որտեղ ներկայացված կլինի ծառայության մանրամասն տեղեկատվություն՝ ներառյալ օգտագործման վիճակագրությունը և հաճախորդների արձագանքները։
Եթե ընկերությունը ներկայացնում է մի քանի հավելված, ապա յուրաքանչյուրի համար անհրաժեշտ է ներկայացնել առանձին հայտ։
«Բջջային հավելվածներ» անվանակարգի մասնակցության արժեքը
Հայտերի ընդունման սկիզբ (վաղ շրջան)Մարտի 1 – Ապրիլի 30(AMD) | Նորմալ կիրառման ժամկետՄայիսի 1 – Հունիսի 31(AMD) | Դիմելու վերջին հնարավորությունըՕգոստոսի 1 – Սեպտեմբերի 15(AMD) |
| 75 000 | 125 000 | 150 000 |
