Լավագույն սոցիալական ազդեցությամբ լուծում

Հասարակական նշանակություն

• Արդյո՞ք նախագիծը լուծում է կարևոր սոցիալական խնդիր։
• Նպաստո՞ւմ է կայուն զարգացմանը։
• Բարելավո՞ւմ է մարդկանց կյանքի որակը։
• Որքանո՞վ է արդիական և կարևոր խնդիրը, որը լուծում է նախագիծը։

Չափելի ազդեցություն

• Ունի՞ նախագիծը հստակ, չափելի արդյունքներ, որոնք հաստատում են դրական ազդեցությունը։
• Ինչպե՞ս է չափվում արդյունավետությունը։
• Արդյո՞ք առկա են նախագծի արդյունավետության ապացույցներ (վիճակագրություն, հետազոտություններ, արձագանքներ)։

Նորարարական մոտեցում

• Օգտագործո՞ւմ է նախագիծը ոչ ստանդարտ լուծումներ կամ ինքնատիպ մեթոդներ։
• Կիրառվո՞ւմ են նոր տեխնոլոգիաներ։
• Որքանո՞վ է նորարարական մոտեցումը սոցիալական խնդրի լուծման հարցում։

Հանրության ներգրավվածություն

• Արդյո՞ք նախագիծը աջակցություն է ստանում հասարակության կողմից։
• Ներգրավվա՞ծ են կամավորներ և հետաքրքրված կողմեր։
• Որքանո՞վ է ակտիվ հանրության մասնակցությունը նախագծի իրականացման մեջ։

Թվային տեխնոլոգիաները լայն հնարավորություններ են ընձեռում սոցիալական խնդիրների լուծման և հասարակության շրջանում դրական փոփոխությունների համար։ Նման նախաձեռնությունների աջակցությունը կարևոր է, քանի որ՝

• Նպաստում է սոցիալական ուղղվածություն ունեցող թվային նախագծերի զարգացմանը։
• Աջակցում է հասարակության իրազեկվածության բարձրացմանը սոցիալական խնդիրների և դրանց լուծման ուղիների մասին։
• Ներշնչում է այլ մարդկանց՝ ստեղծելու սոցիալական կաևորություն ունեցող նախագծեր։
• Ցույց է տալիս, որ թվային տեխնոլոգիաները ոչ միայն գործիք են բիզնեսի համար, այլև հզոր գործիք՝ սոցիալական փոփոխությունների համար։

Մասնակցելով «Լավագույն սոցիալական ազդեցությամբ լուծում» անվանակարգում՝ հնարավորություն կունենաք ներկայացնել, թե ինչպես կարող են թվային նախագծերը բարելավել աշխարհը և ճանաչվել սոցիալական խնդիրների լուծման գործում իրենց ներդրման համար։