Էջեր սոցիալական ցանցերում

Ենթաանվանակարգեր՝

• Բանկեր և ֆինանսական կազմակերպություններ

• ԶԼՄ

• Ավելին

Գնահատման չափանիշներ

Բովանդակության որակ` օրիգինալություն, յուրահատկություն, բովանդակությամբ հագեցվածություն, օգտակարություն, համապատասխանություն նշված թեմատիկային, ձևաչափերի բազմազանություն։

Ստեղծարարություն` ոչ ստանդարտ մոտեցում, ստեղծագործական մտածողություն, գրավիչ և հիշվող կոնտենտ ստեղծելու ունակություն, ժամանակակից թրենդների օգտագործում։

Լսարանի ներգրավվածություն` հավանումների, մեկնաբանությունների, վերատարածումների քանակ, հետևորդների մասնակցություն քննարկումներին և ակտիվություններին, հետադարձ կապ լսարանի հետ (մեկնաբանություններին պատասխաններ, ուղիղ եթերների անցկացում և այլն):

Արդյունավետություն՝ սահմանված նպատակների իրականացում (օրինակ՝ բրենդի ճանաչելիության բարձրացում, հաճախորդների ներգրավում, լսարանի իրազեկում), չափելի արդյունքներ (օրինակ՝ հետևորդների աճ, կայքի տրաֆիկի ավելացում):

Վիզուալ ձևավորում` լուսանկարների և վիդեո նյութերի որակ, գեղագիտական ընկալում, համապատասխանություն բրենդային ոճին (առկայության դեպքում), ներդաշնակություն, միասնական կոնցեպտի կիրառություն։

Ներկայացման պահանջներ

Մրցույթին մասնակցելու համար անհրաժեշտ է ներկայացնել էջերի հղումներ սոցիալական ցանցերում, հետևորդների և լսարանի ներգրավվածության վերաբերյալ վիճակագրություն (սքրինշոթեր կամ վերլուծական գործիքներից ստացված տվյալներ), տեքստային նկարագրություն, որը ներառում է տեղեկատվություն ընկերության/բրենդի/կազմակերպության/նախաձեռնության մասին, էջի թեմատիկայի, թիրախային լսարանի, էջի վարման նպատակների և խնդիրների, ինչպես նաև ձեռքբերումների և հաջողությունների վերաբերյալ։ Ըստ ցանկության՝ նաև կարող է կցվել մանրամասն տեղեկատվությամբ սահիկաշար։ 

Եթե մասնակիցը/ընկերությունը վարում է մի քանի էջ տարբեր սոցիալական հարթակներում, անհրաժեշտ է յուրաքանչյուրի համար ներկայացնել առանձին հայտ։