Կայքի ռեդիզայն

Գնահատման չափանիշներ

Դիզայն․ թարմացված դիզայնի վիզուալ գրավչություն, համապատասխանություն ժամանակակից թրենդներին, օրիգինալություն, գրաֆիկայի և անիմացիայի որակ։

Օգտագործելիություն․ օգտագործման հարմարավետություն, ինտուիտիվ հասկանալի նավիգացիա, բեռնման արագություն, հարմարվողականություն տարբեր սարքերին, տեղեկատվության հասանելություն ռեդիզայնից հետո։

Ֆունկցիոնալություն․ կայքի ֆունկցիոնալության բարելավում ռեդիզայնից հետո, նոր հնարավորությունների ավելացում, առկա ֆունկցիաների օպտիմալացում։

Ռեդիզայնի արդյունավետություն․ ռեդիզայնից առաջ դրված նպատակների իրականացում (օրինակ՝ կոնվերսիայի աճ, օգտագործողների փորձի բարելավում, բրենդի ճանաչելիության բարձրացում), չափելի արդյունքներ։

Համեմատություն «առաջ» և «հետո»․ ռեդիզայնից հետո կատարված փոփոխությունների տեսանելիությունը և համոզչությունը

Ներկայացման պահանջներ

Մրցույթին մասնակցելու համար անհրաժեշտ է ներկայացնել թարմացված վեբ կայքի հղում, հին տարբերակի սքրինշոթներ (կամ արխիվ), մանրամասն տեքստային նկարագրություն ռեդիզայնի արդյունքում կատարված փոփոխությունների և բարելավումների վերաբերյալ, ինչպես նաև ռեդիզայնի արդյունավետության հիմնավորումը (օրինակ՝ այցելությունների, կոնվերսիայի վիճակագրություն և այլն): Ավելի մանրամասն ինֆորմացիայով սահիկաշարի ներկայացումը նույնպես ողջունվում է։

Կարևոր է հստակ ցույց տալ կայքի հին և նոր տարբերակների միջև տարբերությունները, որպեսզի ժյուրին կարողանա գնահատել իրականացված փոփոխությունների ծավալն ու որակը։